لسّاك مُصمّم ع الوقوف

وِسط الميدان؟

قاعد تدوّر..

بين وشوش الناس

على مطلع قصيدة..

للوطن؟

 والزمن..

عمّال يشدّ خطوط

على جبين اللى رايح

واللى جاى..

والشمس غرقانة فى عرقها

والنهار..

عمّال بيجرى فى الشوارع

بالساعات

إزاى حتقدر تبتدى

أول قصايدك للوطن

أول قصيدة

 للحبيبة اللى بكت

ساعة نزيفك معجزات

لجل ما يشرب عطاشى الضُّهر

فى الحارات..

ما بقيتش قادر ع السهر

وسط الميدان

بعد ما غابت ملامحك

 وسط زحمة

الانتظار..

 ليلك نهار

حتى العواميد اللى واقفة..

من زمن

شدّت رحالها وابتدت..

تهجر بطون الأرصفة

ريّح دماغك وابتدى..

لِم الورق

واكتب خواطرك..

للى فاضل م البنات

....