كان..

بيعدى الشارع.. ده

وف ايده ملف اصفر

لابص يمين

ولا بص شمال

كان بس مركِّز

جداً

ان الدمعة اللى ف عينه

تنزل جنب رصيف

مش عالى

بالفعل

الدمعة اللى ف عينه

نزلت جنب رصيف

مش عالى

لف يبُص

إتكعبل وسط الزحمة

مات

.......... 

زهرية ريحان

  نفس صاحبك..

هو صاحبك..

والشوارع والبيوت

نفس شباكك

وبابك

نفس بلكونة الجيران

نفس النسيم

اللى انت سايبه

فى حضن زهرية ريحان

 نفس نور الصُبح

فى عيون البنات

يبقىأيه م العمر فات

 حبة سنين..

عكّروا لون البياض

اللى ف عنيك..

جرَّب تعيّط

زى عيل م العيال

انحنى عودك يا واد

لا ما انحناش

 جرَّب تمدد

بين ضلوع الناس

ونام

مدِّد.. ونام

ما انتاش بعيد عنك..

كتير