لا تلومينى

ولا..

تتعبدى من غير صَلا

لا تندهينى

وتسألينى..

وتطلبى منى اللُقا

قلبك شوارع

ضيّقة

 والناس مداين

والبيوت محتاجة خلق

والحوارى اللى انتى سكناها

بسُكاتك..

هجّرت منى الكلام

مش كلام..

إن حكاياتك مش غُنا

د انا ريقى ناشف

م العطش

سقيانى حرّك فى الشِّتا

 واللى اشتكى..

كان لسّه مستنى الخلاص

وفات حدودك..

وانتهى

ولسه ماسك فيكي إحساسي الغبي

بس انتى شاطره تطبطبى

وتروحى وتقولى

انكتب

طب واللى نام تحت الكبارى

م التعب

 وتقولى إيه ف اللى اتصلب

على باب زويله..

والفتوح

مدبوح..

ومحتاج يحضنك..

محتاج يحسّك..

محتاج يبوحلك..

إفتحى

أمرك عجيب..

ناسيانه لِيه برّه البيبان..

ومسكِّنه فى حضنك..

غريب

لا عمر كان ذنب العيال عشقك

 الذنب إنك

كلك شوارع ضيقه

والناس مداين...